Kryeministri i Norvegjisë Jonas Gahr Stoere tha të hënën se e shihte me shumë shqetësim përfshirjen e miliarderit Elon Musk në çështjet politike të vendeve të tjera, jashtë Shteteve të Bashkuara të Amerikës. Musk, një aleat i ngushtë i presidentit të zgjedhur të SHBA-së, Donald Trump, muajin e kaluar mbështeti partinë politike gjermane të ekstremit të djathtë, kundër imigracionit dhe anti-islame, dhe e bëri këtë përpara zgjedhjeve kombëtare në gjermani që do të mbahen në shkurt. Ditët e fundit ai është përzierë në politikën britanike. “Më duket shqetësues fakti që një njeri me akses të jashtëzakonshëm në mediat sociale dhe burime të mëdha ekonomike përfshihet kaq drejtpërdrejt në punët e brendshme të vendeve të tjera”, tha Stoere për transmetuesin publik norvegjez NRK. "Kjo nuk është mënyra se si duhet të jenë gjërat midis demokracive dhe aleatëve," shtoi ai.