Një gjeneral i lartë lufte i Vladimir Putin thuhet se është vrarë në një atentat të madh me një autobombë në Moskë. Pamjet dramatike të publikuara në disa medja tregojnë se si Yaroslav Moskalik, një gjeneral 59-vjeçar i ministrisë së mbrojtjes, u hodh "disa metra" në ajër nga shpërthimi. Makina u përfshi shpejt nga flakët ndërsa tymi i zi i dendur u ngrit në ajër. Thuhet se Moskalik po kalonte pranë në momentin e saktë të shpërthimit. Fuqia e eksplozivit të përdortur në atentat, sipas shërbimeve ruse të emergjencës, ishte ekuivalente me 300 gram tritol. Raporte të pakonfirmuara thonë gjithashtu se dy persona të tjerë mund të jenë plagosur rëndë. Moskalik ishte zëvendësshef i Drejtorisë Kryesore të Operacioneve të Shtabit të Përgjithshëm të Forcave të Armatosura të Federatës Ruse. Ai gjithashtu përfaqësoi Shtabin e Përgjithshëm të Rusisë në bisedimet me Ukrainën në vitin 2015. Eksplozivi ka të ngjarë të jetë vendosur në makinën e parkuar vetëm pak metra larg një blloku apartamentesh të larta, dhe është detonuar nga distanca. Komiteti Hetimor i Federatës Ruse ka hapur një çështje penale për shpërthimin. Ky atentat ndodh ndërsa i dërguari special i Presidentit amerikan Donald Trump, Steve Ëitkoff, pritet të takohet me Putinin në Moskë.