Një elektricist humbi jetën paraditen e kësaj të diele në Pogradec pasi ra në kontakt me rrymën elektrike. Viktima Agim Beqiri, punonjës i bashkisë që merrej me mirëmbajtjen e rrjetit te ndriçimit rrugor në zonat rurale, mësohet se kishte shkuar në fshatin Zërvaskë për të ndërruar një llambë që ishte djegur në një shtyllë elektrike. Sipas dëshmive të banorëve ai e kishte evidentuar defektin ditën e shtunë dhe kishte ardhur për ta rregulluar. Por, në shtyllë kishte 2 linja tensioni prej te cilave ai kishte fikur vetëm njërën çka bëri që të binte në kontakt me rrymën elektrike e si pasojë ndërroi jetë në vend. Ai qëndroi pa shenja jete disa minuta në shtyllë derisa mbërritën autoritetet që bën të mundur mundur zbritjen e trupit të pajetë, i cili ishte i lidhur me pajisjet e sigurisë. Banorët tregojnë se viktima ishte një njeri korrekt dhe se I shërbente punës me përkushtim.