Njësitë policore speciale kanë nisur një operacion në Elbasan për të hedhur dritë mbi hetimet e vrasjes mafioze të Everest çakës, pas emrit të të cilit lidhen një seri vrasjes jo vetëm në këtë qytet, por edhe jashtë kufijve të Shqipërisë. Forca të shumta policore nga patrullat ‘Shqiponja’, por edhe ekspertë të Departamentit të Antikrimit në Policinë e Shtetit kanë zbarkuar në lagjen ‘Skënderbej’ në Elbasan për të kryer hetime të hollësishme në lidhje me ekzekutimin e Everest Çakës, atentat i regjistruar në 11 maj të këtij viti. Fill pas krimit, Policia ngriti dyshimet e saj dhe madje shoqëri si persona që kishin dijeni për krimim mafioz 25 persona, një prej të cilëve edhe u arratis nga qelia. Madje, personi i arratisur dha edhe një dëshmi për Top Channel, teksa kërkoi se mund të vetëdorëzohej, nëse i premtonin sërish lirinë. Kamerat e sigurisë nuk kanë qenë përgjatë të gjithë gjatësisë së rrugës ku ndodhi krimi, duke e vështirësuar punën për identifikimin e autorëve, apo largimin e tyre, pasi inskenuan 2 minuta patra atentatit një aksident, duke u përplasur me makinën e viktimës. Pistat hetimore janë të shumta pasi jo vetëm viktima, por edhe familja e tij ishin të përfshirë në rrjete kriminale. Saga e vrasjeve të familjes Çaka nis disa vite më parë në Itali, ku është vrarë vëllai i tij. Asokohe dyshimet kryesore për autorin e ngjarjes ishin për shtetasin e njohur si Nel Çami. Më vonë në vitin 2011 e gjithë familja e Nel Çamit, e përbërë nga 4 persona, u ekzekutua në Elbasan. I vetmi i shpëtuar nga ky atentat ishte Nel Çami, i cili që prej asaj kohe rezulton i zhdukur. Nga ana tjetër një tjetër i afërm i Everest Cakës, djali i hallës Arjan Spahiu u vra në Belgjikë në vitin 2020. Kjo vrasje solli në Elbasan prokurorë dhe hetues belgë, të cilët tashmë janë duke përpunuar dëshmi e prova, në këtë pistë hetimi, nga e cila presin që të zbardhin autorët e vrasjes. Me emrin e Çakës ka edhe disa vrasje të tjera, që Policia ka sqaruar se hetimet lidhen me larje hesapesh, apo prishje pazaresh mes bandave rivale.