Gjykata e Apelit Tiranë ka marrë vendimin që Dashamir Xhepa të dënohet me burgim të përjetshëm për vrasjen e kunatës së tij Liri Xhepa, ngjarje kjo e regjistruar më 14 shkurt 2019. 49 vjecarja Liri Xhepa u gjet e pajetë në afërsi të liqenit të Sharrës. Xhepa u qëllua me 3 plumba, ku njërin e mori në kokë dhe dy të tjerët në pjesë të ndryshme të trupit. Liri Xhepa ishte nënë e 4 fëmijëve. Prej vitesh e ndjera banonte me dy djemtë e saj. Më i madhi ndodhet në Londër, ndërsa djali i dytë ndodhet në burg për arsye që ende nuk dihen. Familjarët e viktimës thanë se 49-vjeçarja ishte e ve prej 15 vitesh. Kur u regjitrua ngjarja e rëndë, u tha se mes viktimës dhe autorit kishte një lidhje intime, e cila mendohet të ketë qenë shkaku kryesor për vrasjen e 49 vjecares në ditën e Shën Valentinit. Dashamir Xhepa akuzohet për veprat penale “ Vrasje për shkak të marëdhënieve familjare” dhe “Mbajtja pa leje dhe prodhimi i armëve shpërthyese dhe i municionit”.