Ekzekutohet një i në Shkodër, krim që dyshohet të ketë ndodhur për motive hakmarrjeje, apo larje hesapesh. Vrasja ka ndodhur në Shkodër, ku është gjetur i pajetë trupi i të riut. Familjarët e viktimës e kishin denoncuar zhdukjen e të riut para tre ditësh megjithatë kërkimet policore nuk kishin mundur të zbulonin vendndodhjen e të riut. Trupi i pajetë është gjetur në orët e vona të mbrëmjes së 16 majit, në zonën e Livadheve në Shkodër. Viktima është identifikuar si Endri Mustafa, 32 vjeç, banues në Shkodër. Në trupin e Mustafës u gjetën disa plagë të shkaktuara nga goditje me armë zjarri, megjithatë ekspertiza mjekësore do të zbardhë në vijim të gjitha shkaqet që çuan në humbjen e menjëhershme të jetës së të riut. Policia e Shkodrës ndodhet në vendngjarje, ku po heton për zbardhjen e plotë të rrethanave që çuan në ekzekutimin misterioz të Endri Mustafës. Pistat hetimore fokusohen në larje hesapesh kjo pasi emri i Endri Mustafës, prej vitesh është pjesë e dosjeve penale të policisë së shtetit.