Detaje të reja janë bërë me dije nga ekzekutimi me armë zjarri I Prek Tonaj mbrëmjen e së dielës në Grudë të Shkodrës. Eduart Kësolla, tashmë I arrestuar nga policia si i dyshuari kryesor, nuk ka pranuar se ka lidhje me këtë ngjarje. Ai ka deklaruar përpara hetuesve se nuk e ka vrarë ai Prek Tonajn. Kësolla dyshohet se hyri i maskuar në lokalin ku po qëndronte Tonaj dhe qëlloi drejt tij me armë zjarri duke e lënë të vdekur në vend. Përmes një njoftimi zyrtar policia bëri me dije se si dhe ku u kap autori i krimit, I cili u arrestua për gjakmarrje. 30 vjecari Kësolla mësohet se është njohur nga personat e tjerë të cilët ishin të pranishëm në lokal në momentin e ngjajes së rëndë. Dëshmitarët rrëfyen detajet për policinë, duke thënë se autori hyri i maskuar me një kallashnikov në lokal, ndërsa u tha njerëve që ndodheshin aty të mos lëviznin në të kundërt do ti vriste. Autori I tha viktimës përpara se ta vriste ‘a e di se na ke borxh’, ndërsa e vrau në vend. Tonaj ndërroi jetë në vend ndërsa mori edhe emrin e personit që urdhëroi vrasjen e tij me vete. Pas, kësaj Kësolla u largua me shpejtësi nga vendi i ngjajres, ndërsa një makinë e priste jashtë. Kësolla u kap nga policia, ndërsa bashkëpunërorë i tij vijon të endet i lirë. Deri më tani dyshohet se ngjajra ka ndodhur për gjakmarrje, pasi fisi Tonaj është në gjakmarrje me fisin Kësolla e Hasanaj. Janë disa ngjarje që lidhen me njëra tjetrën, konfikte të cilat kanë filluar që përpara viteve 90 dhe vijojnë të mos shuhen gjer më sot. Prek Tonajt është fëmija I tretë I familjes që vritet po për të njejtin motiv, atë të gjakmarrjes. Vëllai i madh u vra gjatë periudhës së komunizmit në burg. Vëllai tjetër u vra në Dukagjin të Shkodrës, ndërsa i fundit Prek tonaj u ekzekutua dy ditë më parë.