Elbasani është tronditur mëngjesin e kësaj të enjteje nga një vrasje, e cila për nga karakteristikat mund të konsiderohet si tipikisht mafioze. Bujar Cela është ekzekutuar në kryqëzimin e rrugës që hyn dhe del nga Elbasani, pranë një pike karburanti, ku edhe në të kaluarën ka ndodhur edhe një vrasje tjetër e dyfishtë. Bujar Çela është vëllai i Talo Çelës i shpallur në kërkim për disa vepra penale dhe duket se pista e policisë ka qenë ajo e hakmarrjes. Sipas Policisë autorët kanë qenë tre dhe të veshur me uniforma policie, të cilët qëlluan me armë duke ekzekutuar Bujar Celën, i cili ishte në këmbë dhe sapo ka dalë nga lokali. Burimet e Policisë thanë se Cela ndiqej prej autorëve deri në momentin, kur kanë gjetur mundësinë e ekzekutimit. Pas atentatit autorët janë larguar me shpejtësi përgjatë rrugës Elbasan-Peqin dhe në vendin e quajtur Murras kanë djegur makinën, ashtu sikurse ndodh gjithmonë në raste të tilla dhe në krime të këtij lloji.