Prokuroria e Posaçme kundër Korrupsionit dhe Krimit të Organizuar sqaron se Alfred Dedja, viktima e krimit në Ndroq nuk ka qenë asnjë asnjëherë I lidhur me rrëmbimin e Jan Prengës. Sipas SPAK ai ska qenë asnjëherë dëshmitar apo të kishte lidhje me këtë ngjarje të ndodhur në Janar të vitit 2020. SPAK përgënjeshtron deklaratat e Salo Berishës për këtë ngjarje dhe thotë se emri i tij nuk rezulton të ketë qënë i përfshirë në listën e punonjësve apo dhe listëpagesat e kompleksit “Golden“, në Shijak, pronësi e Altin Hajrit, në kohën e kryerjes së krimit. I pandehuri Altin Hajri, pronar i kompleksit “Golden” akuzohet si pjesëmarrës në grupin e strukturuar kriminal që ka kryer rrëmbimin e shtetasit Jan Prenga. Ai është në masë sigurimi “arrest me burg” në mungesë dhe çështja në ngarkim të tij po gjykohet në Gjykatën e Posaçme kundër Korrupsionit dhe Krimit të Organizuar. Në gjykim, pë rkëtë çështje, janë Dritan Rexhepi dhe Gentjan Funiqi, të cilët kanë urdhëruar rrëmbimin e tij; Martin Bleta dhe Korado Kështenja që organizuan pengmarrjen ndërsa ekzekutimin Artan Doçaj, Aldo Majnishta dhe Geraldo Martini, të cilët e dërguan viktimën pas rrëmbimit, në kompleksin “Golden”.