Ish-kryeministri Sali Berisha, nderoi këtë të mërkurë 22 intelektualët e vrarë nga regjimi komunist, në përvjetorin e tyre. Në 74 vjetorin e ekzekutimit të tyre, ish-kryeministri hoqi paralele mes regjimit diktatorial të Enver Hoxhës dhe qeverisë Rama, për çka tha se vendi është në një diktaturë të dytë, por më 11 maj qytetarët duhet t’i japin ndëshkimin me votë. Ky ishte një krim i shëmtuar kundër njerëzimit që regjimi kreu në vazhdën e luftës civile, në vazhdën e krimeve të kryera që nga themelimi i partisë komuniste shqiptare si seksioni i partisë komuniste jugosllave, dhe gjer në fund të ekzistencës së saj.... Edi Rama, sot përdor të njëjtat metoda, duke shkelur ligje dhe Kushtetutë, kundër kundërshtarëve politikë, për të mbajtur në këmbë regjimin e tij. Sot është një rast për të gjithë shqiptarët që të bashkohemi me 11 maj për t’i dhënë shtytjen përfundimtare në galerat e historisë një regjimi të bazuar në krimin, drogën dhe vjedhjen e shqiptarëve.