Një zyrtar i lartë në shërbimin e sigurisë SBU të Ukrainës u qëllua për vdekje në mes të ditës në Kiev nga një vrasës i panjohur, i cili u largua menjëherë nga vendi i ngjarjes. Koloneli Ivan Voronych po ecte nëpër lagjen Holosiivskyi të kryeqytetit të Ukrainës këtë mëngjes kur një burrë iu afrua rreth orës 9 të mëngjesit. Një vrasës i maskuar, i veshur me një bluzë të zezë dhe pantallona të shkurtra, u pa në pamjet e kamerave të sigurisë duke dalë nga një makinë dhe duke qëlluar kolonelin 50-vjeçar nga afër me një pistoletë ndërsa ai kalonte rrugën. Raportohet se ai ka qëlluar pesë herë me një armë me silenciator përpara se të largohej. Pamjet e kamerave të sigurisë tregonin qartë sulmuesin duke vrapuar poshtë një rruge, duke u larguar nga vendi i ngjarjes, ndërsa mbante ende në dorë pistoletën e tij.