Haki Mehmeti, 39 vjeç, është ekstraduar këtë të enjte nga Italiam, i cili ishte dënuar nga drejtësia shqiptare me 8 vite burgim, për veprat penale “Prodhimi dhe shitja e narkotikëve” dhe “Mosbindja ndaj urdhrit të punonjësve të policisë së rendit publik”. Operacioni është bërë i mundur falë bashkëpunimit mes Interpol Tiranës dhe Interpol Romës për kapjen dhe ekstradimin e shtetasve të shpallur në kërkim ndërkombëtar. Haki Mehmeti i lindur në Elbasan ishte shpallur në kërkim ndërkombëtar pasi Gjykata e Apelit Vlorë, me vendimin e datës 02 prill 2014 e ka dënuar me 8 vjet burgim. 39-vjeçari Haki Mehmeti nuk iu është bindur urdhrave të punonjësve të Policisë, për të ndaluar automjetin me të cilin po transportonte në Berat, në bashkëpunim me shtetasin me iniciale B. T. një sasi cannabisi e cila më pas është sekuestruar në cilësinë e provës materiale.