Interpol Tirana, në bashkëpunim me homologët, ka ekstraduar drejt Shqipërisë dy persona të arrestuar në Francë e Itali, pasi ishin shpallur në kërkim ndërkombëtar. Interpol ka ekstraduar këtë të premte shtetasin Tom Kaçi, i cili ishte dënuar me 5 vjet burg nga Gjykata e Lezhës, për veprën penale “Prodhimi dhe shitja e narkotikëve”. Gjithashtu, është ekstraduar edhe shqiptari A. Q., pasi ndaj tij ishte lëshuar urdhër-arrestin ndërkombëtar për këtë shtetas, për veprën penale “Trafikim i narkotikëve”, kryer në bashkëpunim. Si rezultat i bashkëpunimit të Interpol Tirana me Interpol Paris, Francë, u bë i mundur arrestimi në Francë dhe ekstradimi drejt vendit tonë, i shtetasit Tom Kaçi, 51 vjeç. Shtetasi Tom Kaçi, në bashkëpunim me një shtetas tjetër, në muajin tetor të vitit 2013, në fshatin Bulshar, komuna Orosh, Mirditë, ka kultivuar bimë narkotike të llojit cannabis sativa dhe i ka transportuar ato në drejtim të Rubikut. Ndërsa shtetasi tjetër I ekstraduar A. Q., në bashkëpunim me shtetasin I. K., dyshohet se ka trafikuar një sasi lënde narkotike drejt Malit të Zi.