“ Revolucioni i Flamingove solli ne Shqiperi nje sere eurodeputetesh mes te cileve edhe holandezja Anna Strolenberg, pjese e grupit te te gjelberve ne parlamentin europian. Si firmetare e amendamentit 17, Strolenberg nenvizon ne nje interviste per Top Neës, rendesine e ruajtjes se standardeve mjedisore sipas direktivave te Bashkimit Europian.” “Shqipëria ndodhet në procesin e anëtarësimit në Bashkimin Europian, dhe unë do të doja shumë që Shqipëria të bëhej pjesë e BE-së. Mendoj se ka ardhur koha. Por, Shqipëria duhet të respektojë të gjitha standardet europiane. Një prej këtyre standardeve lidhet me zonat natyrore të mbrojtura. Gjatë negociatave të anëtarësimit, kjo do të jetë një temë e rëndësishme diskutimi. Zhvillimi ekonomik është i nevojshëm, por jo me çdo kusht. Duhet të sigurohet që natyra të ruhet dhe që pasuritë publike të përdoren për qytetarët, e jo të përfundojnë vetëm në duart e disa personave. Sot do të udhëtoj edhe vetë drejt Vjosë-Nartës për ta parë situatën nga afër. Por, ende nuk ka transparencë reale. Ne nuk e dimë nëse ekziston një leje ndërtimi, kush është pronari i projektit apo si do të duket projekti përfundimtar. Kryeministri Edi Rama dhe qeveria duhet të marrin përgjegjësi dhe të tregojnë se edhe ata janë në favor të transparencës. Mendoj se është e rëndësishme që ata të japin më shumë informacion.”