Një unazë e zjarrtë në qiell; ky është spektakli i eklipsit të pjesshëm të diellit, kur disku i tij do të mbulohet nga ai i hënës dhe do të shihet përsosmërisht vetëm në disa rajone të Kanadasë, Groenlandës dhe Rusisë. POr, fenomeni do të jetë i dukshëm edhe në shqipëri, ndonëse në masën 5 për qind. Gjithcka do të ndodhë më 25 tetor, ndonëse në vendin tonë do të mund të shohim vetëm një ndryshim të madh të dritës mes orës 11.15 minuta dhe orës 13.20 minuta. Për të parë një eklips të plotë të diellit, do të duhet të kemi durim dhe të presim deri në 2027-ën. Kështu mesditën e të martës, hëna do të vendoset mes diellit dhe tokës duke ofruar një nga eventet astronomike më spektakolare të kohërave por në rajonin tonë do të shihet me një diametër diellor të mbuluar deri në masën 29 përqind në veri dhe rreth 22 për qind në jug. Duke mos qenë një eklips i plotë, nuk do të shohim natën që na mbulon menjëherë por sigurisht do të mund të dallojmë një reduktim domethënës të dritës së diellit. Të shohësh diellin me sy të lirë gjatë këtij eventi sigurisht që nuk është e këshillueshme për shkak se rrezatimi mund të shkaktojë dëme të përhershme në shikim.