Së bashku me skepticizmin nëse Vladimir Putin ka rënë dakord të ndalojë së synuari infrastrukturën energjetike të Ukrainës për një javë, Volodymyr Zelenski i është përgjigjur edhe raporteve se është ftuar në Moskë nga presidenti rus. Ai tha se është gati për "çdo format" të samitit të liderëve, por jo një që zhvillohet në Moskë, duke e quajtur një veprim të tillë "të pamundur". Zelenski tha se gjithashtu nuk do të takohej me Putinin në Bjellorusi, një vend ky me lidhje të forta me Kremlinin. Ai shtoi se një marrëveshje përfundimtare mbi një plan paqeje mund të arrihet vetëm në një samit të liderëve dhe sugjeroi që Putini të vijë në kryeqytetin e Ukrainës, Kiev, në vend të kësaj. "Unë po e ftoj publikisht, nëse guxon, sigurisht," tha Zelenski. Presidenti i Ukrainës tha se pika aktuale e ngërçit në bisedimet e paqes, ajo e territorit, ende mbetet e pazgjidhur.