Presidenti rus, Vladimir Putin ka shfrytëzuar hapjen e një konference për sigurinë në Moskë, për t’i kritikuar fuqitë e Perëndimit, duke thënë se ato janë fajtore për nxitje të trazirave në botë. Konfliktet në pjesë të mëdha të botës janë shkaktuar nga “aventurat gjeopolitike dhe sjellja egoiste, neo-koloniale e Perëndimit”, u ka thënë Putin pjesëmarrëvesve përmes një video-mesazhi. Në mesin e tyre ka qenë ministri i ri i Mbrojtjes në Kinë, Li Shangfu. Putin, i cili e ka nisur luftën më të madhe në Evropë prej vitit 1945, kur vendosi pushtojë Ukrainën 18 muaj më parë, ka thënë se forcat perëndimore janë duke i nxitur njerëzit kundër njëri-tjetrit, me qëllim të krijimit të shteteve vasale.
Më shumë ↓ 
