Serinë e ngjarjeve të rënda që kanë pllakosur këto kohë Egjiptin, përfshirë kaosin e krijuar në kanalin e Suezit dhe përplasjen e dy trenave që mori 32 jetë njerëzish, disa I shpjegojnë me mallkimin e një faraoni të famshëm. Të tilla fatkeqësitë e këtyre ditëve, sipas disave, kanë nisur që në momentin që u njoftua se 22 mumje do të transferohen në një muze të ri’ mes tyre është dhe ajo e Ramsesit të II-të, të konsideruar si faraoni më I fuqishëm. Bllokimi I cuditshëm I anijes gjigande Ever Given në kanalin e Suezit ndodhi fill pasi u përfhap lajmi I transferimit dhe për një javë, rruga e rëndësishme detare u bë e pakalueshme në të dy drejtimet. Të premten, përplasja e dy trenave të pasagjerëve solli dhjetëra të vdekur e të plagosur në Tahta. Ditën pasuese, një bllok apartamentesh u shemb papritur duke shkaktuar vdekjen e 18 personave të tjerë. Kjo është arsyeja përse shumë përdorues të rrjeteve sociale mendojnë se bëhet fjala për një mallkim të shkuar mbi varrin e faraonit, ku thuhet: “ Vdekja do të vijë me krahë të shpejtë pë rata që shqetësojnë paqen e mbretit”, shkruan Arab Neës. Fansat në internetuan nxituan ta lidhin legjendën dhe transferimin e mumjeve të planifikuar në 3 prill me fatkeqësitë e këtyre ditëve. Sipas tyre, mallkimi mund ti sjellë sëmundjen apo edhe vdekjen atyre që shqetësojnë mumjet e lashta, sidomos atë të një njeriu kaq të fuqishëm si Ramsesi I dytë. Egjiptologu I njohur Zahi Haëass I hodhi poshtë thashethemet duke thënë se nuk ekziston një mallkim I tillë. Ai shpjegoi në TV Al-Arabiya se vdekja e arkeologëve që kanë zbuluar arkëmortet e lashta erdhi si pasojë e mikrobeve, dhe jo legjendave. Ai këmbëguli se procesi I transferimit të mumjeve do të jetë “ reklama më e madhe që mund t`I bëhët tani Egjiptit”.