Vendet në kufi me Izraelin përballen aktualisht me kriza ekonomike, por lufta Izrael-Hamas rrezikon ta përkeqësojë edhe më shumë stabilitetin financiar, shëndetësor dhe politik në Egjipt, Jordani dhe Liban, si dhe të krijojë probleme shtesë më gjerë. Secili prej këtyre tre vendeve përballet me presione të ndryshme financiare, dhe kjo situatë e ka nxitur Fondin Monetar Ndërkombëtar që t’i paralajmërojë ato në raportin e shtatorit se mund ta humbin “stabilitetin socio-politik”. Ky paralajmërim erdhi pas sulmit të Hamasit në Izrael, më 7 tetor, që një luftë që lehtësisht mund të shkaktojë kaosin me të cilin më pas duhet të merren presidenti amerikan, Joe Biden dhe Bashkimi Evropian. Por, përkeqësimi i mundshëm i situatës veçse ka nisur të analizohet nga liderë botërorë dhe analistë politikash. Për administratën e Bidenit, e cila është e përkushtuar për parandalim të zgjerimit të luftës Izrael-Hamas, konflikti mund t’i shumëfishojë problemet dhe mund të shkaktojë kolaps qeveritar në disa vende. Nëse konflikti përshkallëzohet, ai mund ta përfshijë rajonin, i cili është jetik për furnizimet globale me naftë.