Forcat Ajrore të Ukrainës kanë publikuar imazhe nga Komanda Ajrore "Perëndimore" e Forcave Ajrore, që tregojnë një ushtare, që raportohet se rrëzoi një raketë ruse me sistemin portativ raketor anti-ajror "Igla". Kjo ndodhi gjatë sulmeve intensive që rusia kreu në të gjithë Ukrainën, orët e shkuara. Ushtarja, Nataliya Grabarchuk, sic raportojnë mediat ukrainase, më parë ka qenë mësuese në parashkollor. Videoja, e postuar në faqen e Facebook-ut të Komandës Ajrore Perëndimore të Ukrainës, tregon Natalian që tani është anëtare vullnetare e forcave të mbrojtjes ajrore, teksa përdorur një sistem portabël 9K38 Igla për të rrëzuar një raketë lundrimi ruse që po afrohej. Mëngjesin e të dielës, forcat ruse kryen një sulm masiv me 120 raketa dhe 90 dronë shahed në Ukrainë, një nga më të mëdhenjtë që nga pushtimi në shkallë të plotë në vitin 2022, sipas Presidentit Volodymyr Zelensky. Forcat Ajrore të Ukrainës raportuan se kishin rrëzuar 102 nga raketat që moska kishte lëshuar, bashkë me 42 dronë, ndërkohë që 41 të tjerë kishin "humbur", term ky që tregon se ata janë shkëputur nga sistemet e luftës elektronike. Sipas komandës ajrore perëndimore, ajo e rrëzuar nga ish mësuesja e parashkollorit, ishte nëj raketë ruse Kh-101. Në video, ish mësuesja shihet në catinë e një ndërtese me sistemin e prodhimit sovjetik mbi sup. Ajo vendos në shënjestër një objektiv dhe më pas qëllon. Në fund, Hbararchuk bie në gjunjë e emocionuar, ndërsa ka kryer një goditje të rrallë, me probabilitet një në një milion. Nga cdo këndvështrim, ky rrëzim është shumë i suksesshëm dhe madje i jashtëzakonshëm, thonë ekspertët, pasi Igla, është një sistem i zhvilluar më shumë se 40 vjet më parë, pavarësisht se i është nënshtruar disa përmirësimeve.