Këtë vit, buxheti për artin, kuturën dhe trashëgiminë kulturore është rritur me 45 për qind krahasuar me vitin 2024. Të dhënat u shpalosën në aktivitetin HangArt, ku u prezantuar edhe nisja e edicionit të katërt të javëve kulturore ndërkombëta. Kryeministri Edi Rama u shpreh se po punohet për një sërë skemash të reja në shërbim të artistëve. “Ambicia jonë është të rrisim burimet për kulturën dhe pjesë e këtij qëllimi është edhe vet organzimi i ri i ministrisë dhe kombinimi në një strukturë i ekonomisë kulturës dhe inovacionit dhe ne e kemi rritur buxhetin dhe jemi duke punuar dhe për një sërë skemash të reja që do ti vijnë në shërbim të njerëzve të kulturës dhe skenës dhe aktiviteteve të drejpërdrejta në të gjitha fushat që mbulon ky hark i gjerë institucional. Dua të them se do të bëjmë një përpjekje të posaçme për të stimuluar edukimin e menaxherve të kulturës.” Ministri i Ekonomisë, kulturës dhe inovacionit, Blendi Gonxhja deklaroi se risi është fondi i rijetëzimit të art-kulturës. “Viti 2025 sjell 3.500 evente nga skena e pavarur artistike, institucionet e artit dhe kulturës, Javët Ndërkombëtare të Kulturës dhe Ditët Shqiptare të Kulturës, ose +52% aktivitete më shumë se viti 2024, me 600 mijë spektatorë të pritshëm, +33% rritje! Edukim, angazhim rinor, turizëm e ndërkombëtarizim! Risi me rëndësi është edhe Fondi i Rijetëzimit të Art-Kulturës, për 3-vjeçarin 2025-2027, i buxhetuar nga MEKI në vlerën 6 milionë Euro, për ndërhyrje në objekte trashëgimie, monumente kulture private e publike, qendrore e vendore.” Gonxhja shtoi se brenda vitit 2030, planifikohet të krijohen hapësira të reja, të dedikuara librit e artit, dhe të rikualifikohen destinacionet kulturore e historike anembanë vendit.