Partia Demokratike ka zgjedhur të hapë fushatën elektorale në datën 11 prill nga Sheshi Nënë Tereza, me një skenë madhështore, por edhe me një skenar, ndryshe nga fushatat e tjera. Burime i thanë Top Neës, se skena që ka nisur që prej të mërkurës të ngrihet në sheshin Nënë Tereza, do të jetë më e madhja ndonjë fushate tjetër, jo vetëm të PD, por të të gjitha subjekteve politike, teksa ashtu si emri i koalicionit, kërkon të flasë për Shqipërinë Madhështore, lajtmotivin kryesor të Berishës në këtë fushatë. LaCivita, drejtuesi i fushatës së PD dhe koalicionit, do të jetë edhe folësi kryesor së bashku me ish-kryeministrin Sali Berisha. Të njëjtat burime bëjnë me dije se nuk do të ketë fjalë nga drejtuesit politik, por ata që do të ngjiten në skenën madhështore që po ngrihet në këtë shesh, do të jenë qytetarë të thjeshtë nga grupe të ndryshme të interesit.