Spanja mbylli përkohësisht hapësirën ajrore mbi rajonin verilindor të Katalonjës dhe tre rajone të tjera të premten pasi mbetjet e një rakete kineze pritej të kalonin – thanë autoritetet e emergjencave të premten. “Për shkak të rrezikut të lidhur me kalimin e objektit hapësinor CZ-5B në hapësirën ajrore spanjolle, fluturimet janë kufizuar totalisht në katalonjë dhe rajone të tjera”, tha shërbimi në llogarinë e tij në tuitter. Long March 5B, raketa më e fuqishme e Kinës, u nis në hapësirë më 31 tetor nga kina jugore për të dërguar modulin e fundit të stacionit hapësinor kinez që është në ndërtim aktualisht. Ndërsa graviteti e tërheq raketën drejt tokës, pjesa më e madhe e saj pritet të digjet në rënie, por ka sidoqoftë shqetësime se pjesë me përmasa modeste mund të mbijetojnë. Shërbimi i mbikqyrjes dhe gjurmimit i bashkimit evropian, tha se mbetjet me shumë gjasa do të rihynin në atmosferën e tokës në mesin e oqeanit atlantik dhe do të binin në det, por edhe paralajmëroi se spanja veriore, portugalia dhe italia jugore mund të jenë brenda trajektores së mundshme të raketës.