Aksidenti tragjik me tre viktima, një çift bashkëshortësh dhe një oficer policie ka çuar në pranga edhe një tjetër shofer që drejtonte makinën e tretë që u përfshi në përplasjen fatale. Policia ka vënë në pranga një 37 vjeçar, i cili është pëfshirë në aksidentin me tre viktima në Rrogozhinë. Ai është Endri Lila që u përplas me dy makinat e tjera e për pasojë humbën jetën Oficeri i policisë së burgjeve Tonin Mhilli, Bajram dhe Merushe Koni, si dhe mbeti e plagosur dhe sipas mjekëve vijon të jetë në gjendje të rëndë një vajzë vetëm 10 vjec. Endri Lila, si shofer u shoqërua për të dhënë shpjegime mbi rrethanat e aksidentit, por pas kryerjes së veprimeve të para hetimore ndaj tij u vendos masa e arrestit, duke e cilësuar si fajtor në fazën e parë të hetimeve. Sipas Policisë, ai, ashtu si edhe dy drejtuesit e tjerë që humbën jetën në aksident nuk kanë respektuar rregullat e qarkullimit rrugor, në parakalim, shpejtësinë e lëvizjes, por edhe respektimin e sinjalistikës. Ngjarja u shënua në orët e para të mëngjesit të së premtes dhe nga të dhënat e para dyshohet se shkak për aksidentin mund të ketë qenë edhe lagështia në rrugë, por nuk përjashtohet as përgjumja e njërit prej drejtuesve të makinës.