Gjenerali më i lartë i Putinit, edhe një herë tjetër e ka tepruar duke folur për fitoret e Rusisë në vijën e frontit në Ukrainë. Edhe vetë rusët madje u habitën kur Valery Gerasimov, Shefi i Shtabit të Përgjithshëm, pretendoi kontroll të plotë mbi të gjithë rajonin e Luhanskut, të Ukrainës, cka zyrtarët e kievit e kanë konsideruar menjëherë një "gënjeshtër". Pretendimet e tij të përsëritura "fiktive" madje i kanë dhënë Gerasimov epitetin "Ali Komiku", një ish-ministër irakian i informacionit që e fitoi nofkën për gënjeshtrat që thoshte gjatë informimeve për gazetarët. Gerasimov u shfaq në një konferencë për shtyp të martën, duke pretenduar se forcat ruse kishin marrë nën kontroll rreth 1700 km katrorë territor ukrainas që nga marsi. "Njësitë kanë përfunduar çlirimin e Republikës Popullore të Luhanskut", deklaroi ai. Por vonoi shumë që llogaritë e gjeneralit të verifikoheshin. Andrii Kovalenko, kreu i Qendrës për luftën ndaj dezinformimit në ukrainë, tha: “Gerasimov gënjeu sërish për pushtimin e plotë të rajonit të Luhanskut. Më parë, ai kishte gënjyer edhe për pushtimin e Kupianskut. Gerasimov i përket krahut të elitave ruse që mbështesin vazhdimin e luftës me çdo kusht. Prandaj, detyra e tij është të gënjejë për fitoret ushtarake, dhe diku në Shën Petersburg, kolegët e Putinit nga FSB e legalizojnë këtë gënjeshtër”, tha ai.