Një konflikt në një nga lokalet më të frekuentuara të Sarandës dy ditë më parë dhe vrasja mëngjesin e së martës në Ksamil, nxori në pah fenomimin e dy punësimit të punonjësve të policisë si truproja. Rastet e fundit ngrenë pikëpyetje mbi përputhshmërinë e këtij aktiviteti me rregullat që përcaktojnë se çfarë veprimtarish private mund të ushtrojë një punonjës policie jashtë orarit të detyrës. Për sherrin e Sarandës, me urdhër të drejtorit të Përgjithshëm të Policisë së Shtetit, u pezulluan nga detyra dy punonjësit e Policisë, Inspektor Armando Shehi efektiv i Repartit “RESI”, dhe nënkomisar Andon Binaku efektiv i RENEA-s. Këta efektivë, të dypunësuar pa leje në lokalin ku ndodhi konflikti, nuk kanë njoftuar Policinë për konfliktin që po ndodhte dhe, pavarësisht se ishin jashtë detyre, duhet të ndërhynin thotë policia për parandalimin e përshkallëzimit të konfliktit.