Prada, ka firmosur kostumin hapësinor që do të dërgojë astronauten e parë femër në hënë për misionin Artemis III të NASA-s, falë bashkëpunimit të ngushtë me Axiom Space. Misioni, që është shtyrë për në 2026, do të dërgojë në hënë një ekuipazh që do të përmbajë edhe një grua, në rajonin polar meridional të satelitit tonë. Asnjë njeri nuk ka shkelur në tokë hënore që nga misioni Apollo 11 në 1969. Kostumi hapësinor u prezantua të mërkurën në kongresin ndërkombëtar astronautik që u mbajt në milano. Dizajni i shtresës së jashtme dhe kërkimi i materialeve, janë fryt i bashkëpunimit që ka patur në fillim, kur dy kompanitë, liderë në sektorët respektivë, vendosën të bashkojnë kreativitetin dhe inxhinierinë për të projektuar kostumet e posacme të gjeneratës së re. Kostumi është studiuar gjatë për të garantuar fleksibilitet më të madh, efikasitet dhe siguri. Ai mban edhe instrumente speciale për eksplorimin e polit jugor të hënës. Ai adaptohet në lloje të ndryshme fizionomie të astronautëve, si për gra ashtu edhe për burra. Kostumi mund të përballojë temperaturat ekstreme të polit jugor të hënës dhe klimën e ashpër të rajoneve që janë gjithnjë në errësirë, për të paktën dy orë, ndërsa duron për të paktën tetë orë aktivitete jashtë kapsulës.