Kancelari gjerman Friedrich Merz beson se është ndër të paktët njerëz në Evropë që mund të angazhohen hapur me Presidentin amerikan Donald Trump. "Ka të ngjarë që vetëm unë dhe Sekretari i Përgjithshëm i NATO-s Mark Rutte jemi aktualisht të vetmit që mund të flasin me Presidentin Donald Trump në një mënyrë relativisht të besueshme dhe produktive", tha Merz, duke shtuar se "të tjerët, për çfarëdo arsye, mund të kenë më shumë probleme me të". Merz theksoi se ai gjithashtu përpiqet të mbajë një marrëdhënie të mirë personale me Trumpin, duke pasur parasysh se "Kancelari gjerman duhet të përpiqet të shkojë mirë në mënyrë të arsyeshme" me çdo president amerikan. "Kur dyert janë të mbyllura dhe shtypi është larg, është më mirë. Por prapë nuk është perfekte. Është thjesht e vështirë", përfundoi Kancelari. Në evropë, kritikat ndaj presidentit amerikan, donald trump, janë rritur ndjeshëm ndërsa ky i fundit, nuk i ka frenuar shpërthimet. Ai ka kritikuar aleatët evropianë të nato-s se nuk e ndihmuan SHBA-në kur ajo kishte nevojë ndërsa ka kërcënuar se do ta nxjerrë vendin nga NATO.