Kreu i Komisionit Qendror të Zgjedhjeve, Ilirian Celibashi, ka regjistruar 6 kandidatë për kryetarë Bashkie në kryeqytet. Teksa 5 kandidatët, përkatësisht Erion VEliaj, Belind Këlliçi, Roland Bejko, Lajla Përnaska e Arlind Qori ishin bërë publik më herët, surprizë është shfaqur kandidatura e Marko Dajtit, Përfaqësuesi i Frontit të Majtë. Dajti është regjistruar me ndihmën e deputetit demokrat Flamur Noka, i cili ka nënshkruar si deputet, për t’i hapur rrugë këtij kandidimi. Lëvizja e Nokës, i cili është edhe Sekretar i Përgjithshëm i Partisë Demokratike drejtuar nga Berisha, vjen si tentativë për të hequr sa më shumë vota të majta nga kryebashkiaku Erion Veliaj. Teksa prej ditësh, kandidatët e tjerë veç kandidatit të dalë nga primaret, Belind Këlliçi, janë konsideruar si të futur në garë për të dëmtuar PD-në e Berishës.