Premtimi elektoral i Ramës për paqe fiskale, që u konkretizua edhe me nismë ligjore në Kuvend; kritikohet fort nga Bashkimi Europian. Top Neës kërkoi një qëndrim nga delegacioni i unionit europian në Tiranë për këtë çështje dhe në përgjigjen e mbërritur thuhet se ka shqetësime serioze që lidhen me dekurajimin e përmbushjes së detyrimeve tatimore dhe rrezikun e pastrimit të parave. Grafik: “Komisioni Europian e ka diskutuar propozimin për “Paqen Fiskale” me autoritetet shqiptare, edhe në takimin e Nënkomitetit për Tregtinë, Industrinë, Doganat dhe Tatimet më 25–26 nëntor. Komisioni theksoi shqetësime serioze që lidhen me dekurajimin e përmbushjes së detyrimeve tatimore dhe përsëriti nevojën për vendosjen e garancive të forta kundër pastrimit të parave në këtë propozim, ndërkohë që duhet vazhduar angazhimi për reduktimin e numrit të madh të përjashtimeve tatimore. Ne presim që këto shqetësime të adresohen”. Bashkimi Europian kërkon që çdo amnisti e mundshme të jetë në përputhje me luftën kundër krimit të organizuar.