‘Ne e morëm shënim njoftimin e presidentit Donald Trump. Duam t’i japim një shans negociatave. Ndërsa finalizuam miratimin e kunërmasave të BE-së që morën mbështetje të fortë nga vendet anëtare, ne do ti pezullojmë ato për 90 ditë. Nëse negociatat nuk janë të kënaqshme, kundërmasat hyjnë në fuqi. Puna përgatitore për kundërmasa të tjera vazhdon. Të gjitha opsionet mbeten në tryezë”. Kështu shkroi shefja e bashkimit evropian, Ursula von der Leyen, në platformën X, duke reaguar ndaj vendimit të presidentit amerikan donald trump për pezullimin 90 ditor të tarifave të tij reciproke mbi një pjesë të madhe të vendeve të botës. Më herët, vond der leyen mirëpriti vendimin por nuk tha nëse BE do ti zbatonte apo jo masat e veta hakmarrëse. Von der Leyen e përshkroi pezullimin e tarifave reciproke si një “hap të rëndësishëm drejt stabilizimit të ekonomisë globale. “Kushtet e qarta dhe të parashikueshme janë thelbësore që tregtia dhe zinxhirët e furnizimit të funksionojnë”, tha ajo. Para njoftimit të Trumpit të mërkurën, vendet anëtare të BE-së votuan për të miratuar tarifa hakmarrëse ndaj mallrave amerikane në vlerë prej 23 miliardë dollarësh, si përgjigje ndaj tarifave të Trumpit prej 25 për qind për çelikun dhe aluminin e importuar nga blloku. BE-ja, partnerja më e madhe tregtare e SHBA-së, i përshkroi tarifat si “të paarsyeshme dhe të dëmshme”. Ndonëse tarifat hakmarrëse u miratuan, anëtarët e BE-së – bllokut më të madh tregtar në botë – përsëritën parapëlqimin e tyre për një marrëveshje të negociuar për të zgjidhur çështjet tregtare, dhe von der Leyen e theksoi këtë angazhim, “me synim për të arritur një tregti pa pengesa dhe me përfitime të ndërsjella”. Megjithatë, shefja e degës ekzekutive të BE-së – që negocion marrëveshje dhe mosmarrëveshje tregtare në emër të vendeve anëtare – tha se Evropa synon të ketë partneritete të shumëfishta tregtare. Ajo tha se BE-ja do të vazhdojë “të angazhohet me vende që përbëjnë 87% të tregtisë globale dhe që ndajnë qëndrimin tonë për një shkëmbim të lirë dhe të hapur të mallrave, shërbimeve dhe ideve”, si dhe për të hequr barrierat ndaj tregtisë brenda tregut të saj të përbashkët. “Së bashku, evropianët do të dalin më të fortë nga kjo krizë”, tha von der Leyen.