Koreja e Veriut duket se ka dërguar të paktën 3,000 ushtarë të tjerë në Rusi në fillim të këtij viti, tha ushtria e Koresë së Jugut të enjten, duke demonstruar mbështetjen e vazhdueshme të Penianit për luftën e Moskës kundër Ukrainës, ndërsa liderët botërorë po bëjnë thirrje për t'i dhënë fund konfliktit tre-vjeçar. Lajmi vjen pasi zëvendësministri i Jashtëm i Rusisë, Andrey Rudenko tha se një vizitë e udhëheqësit të Koresë së Veriut, Kim Jong Un në Rusi, është duke u përgatitur, sipas medias shtetërore TASS. Përforcimet, të dërguara në janar dhe shkurt, i shtohen afërsisht 11,000 trupave që Koreja e Veriut ka dërguar në Rusi deri më tani, tha shefi i përbashkët i shtabit të Koresë së Jugut. Rreth 4,000 prej tyre janë vrarë ose plagosur në luftime, sipas Seulit. Pheniani ka dërguar gjithashtu një "sasi të konsiderueshme" raketash balistike me rreze të shkurtër veprimi dhe armatime të tjera. Koreja e Jugut tha se kontributet e Penianit “pritet të rriten sipas situatës”. Udhëheqësi i Koresë së Veriut Kim Jong Un dhe presidenti rus Vladimir Putin i kanë thelluar lidhjet e sigurisë që kur nënshkruan një pakt historik të mbrojtjes vitin e kaluar dhe u zotuan të përdorin të gjitha mjetet e disponueshme për të ofruar ndihmë të menjëhershme ushtarake në rast se tjetri sulmohet. Këshilltari i lartë i Putinit për sigurinë Sergei Shoigu u takua me Kim Jong un javën e kaluar në Phenian, ku ai i përcolli "urimet dhe përshëndetjet më të ngrohta" të Putinit. "Ai i kushton vëmendjen më të madhe zbatimit të marrëveshjeve të arritura me ju," i tha Shoigu Kim jong unit.