Republika Demokratike e Kongos po përballet me një nga shpërthimet më të rënda të Ebolës në historinë e vendit. Numri i rasteve të konfirmuara ka kaluar 7 mijë. Sipas të dhënave të autoriteteve shëndetësore, deri më tani janë konfirmuar 7,022 raste me Ebola në laborator, ndërsa 3,998 persona kanë humbur jetën. Shpërthimi u shpall në mesin e majit dhe është përqendruar kryesisht në provincën verilindore të Iturit. Këtë javë, epidemia është përhapur edhe në provincën e shtatë, Ubangi Jugor. Raste të infektimit janë raportuar edhe në shkolla vetëm pak ditë para nisjes së vitit të ri shkollor, duke rritur frikën mes prindërve dhe punonjësve të shëndetësisë. Në shkollat e prekura janë vendosur masa parandaluese, përfshirë larjen e detyrueshme të duarve me sapun dhe kufizimin e numrit të nxënësve në klasa. Ndërkohë, po testohen trajtime dhe vaksina të ndryshme kundër llojit Budibugio të virusit, i cili është përgjegjës për shpërthimin aktual dhe për të cilin nuk ka ende një preparat të miratuar.