Detaje të reja janë zbardhur në lidhje me ngjarjen e ndodhur në Nea Smyrni ku Lulieta Obzova u vra nga partneri i saj po shqiptar, me origjinë nga Tirana, Altin Allmuça. Hetimet sipas mediave greke, po vijojnë ndërsa pika ku janë fokusuar mbetet marrëdhënia mes viktimës dhe të dyshuarit. Deri më tani hetuesit po shqyrtojnë provat e mbledhura si dhe tabulatet telefonike, në përpjekje për të rindërtuar atë çka ka ndodhur para krimit. Sipas mediave greke, në duart e hetuesve ndodhet një video që ka regjistruar lëvizjet brenda ndërtesës pak para se dëgjohen të shtënat. Paraprakisht dyshohet se 48-vjeçari, Allmuça kishte vendosur dikë tjetër të qëndronte jashtë banesës së viktimës, në pritje që ta sinjalizonte kur ajo të dilte. Mediat greke shkruajnë se autori e detyroi viktimën që të ulej në gjunjë ndërsa e kërcënonte me pistoletë. më pas ai hapi zjarr dy herë. Autoritetet po hetojnë edhe mundësinë që viktima të kishte marrë kërcënime nga i dyshuari edhe më parë. Mediat greke shkruajnë se gruaja kishte frikë për sigurinë e saj dhe kishte marrë masa mbrojtëse, ndër to edhe ndryshimin e bravave të banesës ku jetonte bashkë me vajzën e saj 16-vjeçare. Në kuadër të hetimeve, po analizohen edhe provat e gjetura brenda automjetit të 48-vjeçarit. Aty dyshohet se janë gjetur fishekë të të njëjtit kalibër me ata të përdorur në vrasje, ndërsa arma që dyshohet se u përdor për krimin.