Një ditë e zezë ka rezultuar e shtuna e këtij 7 tetori për turizmin dhe turistët që kanë zgjedhur që edhe në ditët e para të shtatorit të pushojnë në bregdetin tonë. 3 persona kanë humbur jetën këtë të shtunë, si pasojë e mbytjes në plazh. Ngjarja e parë është regjistruar rreth orës 14;50, në lagjen nr. 13 të Durrësit ku shtetasja A. Gj., 67 vjeçe, banuese në Tiranë, dyshohet se sapo ka rënë në kontakt me ujin në det, ka pësuar arrest kardiak dhe si pasojë ka humbur jetën. Ndërkohë Rreth një orë më pas të njëjtin fat ka patur edhe një shtetas kosovar I. M., 82 vjeç. Edhe 82-vjeçari nga Kosova dyshohet se ka humbur jetën në plazh, si pasojë e arrestit kardiak. Edhe një tjetër shtetase kosovare poashtu ka humbur jetën në Durrës, rreth orës 19:15, po në lagjen nr .13. Sipas policisë në det është gjetur trupi i pajetë i shtetases N. H., 70 vjeçe, banuese në Kosovë, e cila dyshohet se është mbytur aksidentalisht. Nga këqyrja paraprake e trupit të 70-vjeçares nuk janë konstatuar shenja dhune, teksa për të 3 rastet policia po punon për zbardhjen dhe dokumentimin e plotë të ngjarjeve.