Kjo e shtunë rezulton të jetë e shtuna e vendimeve politike si për maxhorancën socialiste ashtu edhe për opozitën, e cila vijon të jetë e përçarë. Kryeministri Edi Rama, do të mbledhë kryesinë e Partisë Socialiste në orën 17:00 të kësaj të shtune, nga ku do të zyrtarizohen edhe kandidatët për kryetarë bashkie në zgjedhjet lokale të 14 majit. Burime nga selia rozë bëjnë me dije se në ktë mbledhje pritet të konfirmohen thuajse 80% e kryetarëve aktualë.