Ish zv.ministri Klodjan Rrjepaj dhe biznesmeni Ilir Rrapaj janë liruar nga Gjykata e Posaçme, e cila ka verifikuar se dy të dënuarit për dosjen e sterilizimit e kanë shlyer dënimin me 4 vite burg me kohën e mbajtur në paraburgim. Rrjepaj dhe Rrapaj u arrestuan nga SPAK në gusht të vitit 2023. Pas një beteje prej dy vitesh e gjysmë, ata u dënuan nga Gjykata e Posaçme në fillim të marsit të këtij viti me nga gjashtë vite burgim, dënim që u zbriti në katër vite për shkak të gjykimit të shkurtuar. Nën gjykim për këtë dosje është edhe ish ministri i Shëndetësisë, Ilir Beqaj. Por, çështja ndaj këtij të fundit u nda pasi Beqaj kërkoi gjykim të zakonshëm. Për sterilizimin Gjykata e Posaçme ka caktuar masën e sigurisë detyrim paraqitje, ndërsa ish ministri ndodhet në arrest me burg për dosjen e abuzimit me fondet e BE.