Dy vajza adoleshente janë gjetur të vdekura në Arizona të Shteteve të Bashkuara. Ato janë 17 vjeçarja Sitlalli Avelar, dhe 15 vjeçarja Kamryn Meyers, të cilat u gjetën në një lumë, teksa ishin zhdukur që prej datës 7 janar. Vajzat jetonin në një shtëpi për fëmijë të cilët I merren prindërve për arsye të ndryshme. Trupat e tyre u zbuluan nga një kalimtar, që fillimisht kishte menduar se ishin manekine. Të dy trupat kishin disa kohë në ujë, ndërsa vdekjet e tyre i shtohen një numri të konsiderueshëm vdekjesh të mistershme ose zhdukjesh të adoleshentëve nga shtëpitë e fëmijës në SHBA. Avokati i shtëpisë së fëmijëve të marrë nga prindërit e tyre për arsye të ndryshme, Brad Miller, tha se dyshja ishin larguar edhe më parë nga qendra, e cila thotë se “nuk mund të mbajë personat aty kundër dëshirës së tyre”. Banorë të zonës thonë se çuditërisht shumë adoleshentë të tillë janë zhdukur e më pas janë gjetur të vdekur e të abuzuar për arsye që nuk janë hetuar asnjëherë seriozisht. Por zëdhënësi i policisë së qyteti Mesa, Richard Encinas tha se ata i marrim seriozisht të gjitha rastet e këtij lloji.