Policia ka zbardhur plagosjen e ndodhur në Kurbin ku mbeti I plagosur në këmbë 22-vjeçari, Veron Pasha. Si autor të dyshuar uniformat blu kanë shpallur 47-vjeçarin Klodjan Ndoj. Si autori dhe I plagosuri janë banues në fshatin Sanxhak, ndërsa ngjarja u zbardh pas veprimeve hetimore të kryera nga ana e agjentëve të kriminalistikës si dhe dëshmive të mbledhura. Sipas policisë, 47-vjeçari pasi e qëlloi nën kërcënimin e armës I mori dhe makinën të riut dhe u largua me shpejtësi. Ndërkohë gjatë këqyrjes së vendit të ngjarjes u sekuestruan, në cilësinë e provës materiale, 2 gëzhoja. Po ashtu hetuesit po vijojnë punën për kapjen e autorit si dhe gjetjen e automjetit të 22-vjeçarit. 47-vjeçari akuzohet për veprat penale "Plagosja e rëndë me dashje", "Vjedhja me armë" dhe “ armëmbajtje pa leje”