Muaji tetor regjisroi numër të lartë viktimash dhe të plagosurish në vend, që erdhën si pasojë e aksidenteve të rënda që u raportuan në polici. Instituti i Statistikave publikoi të dhënat paraprake të aksidenteve të shënuara në të gjithë vendin, ku referuar raportit për tetorit, 164 persona mbetën të vrarë dhe të plagosur nga pakujdesia në rrugë. Pavarësisht se numri i aksidenteve mbetet i lartë, në fakt shifra është ulur me 16.5 përqind, krahasuar me të njëjtën periudhë të një viti më parë. Në shumicën e rasteve, përkthyer në 81 përqind, shkak për aksidentet janë bërë drejtusit e mjeteve, konkretisht grupmosha 25-34 vjec, që përbën 25,9 % të numrit total të aksidenteve. E premtja ka shënuar numrin më të lartë të aksidenteve ndërsa më e ulëta është regjistruar në ditët e marta me 8,.6 përqind. Instat thotë se në harkun kohorë 08.00 me 12.00 u shënuan më shumë aksidente. Tre ditë më parë një 28 vjecar ndërroi jetë në aksin Tiranë Durrës, pasi humbi kontrollin e automjetit duke u përplasur me bordurën anësore. Aksidente të këtij lloji, por jo vetëm u shënuan në akse të tjera kryesore e jo vetëm, duke marrë dhjetra jetë njerëzish. Faktor për përplasjet shpesh herë është bërë shpejtësia mbi normën e lejuar në rrugë, përdorimi i celularit në timon, ose mungesa e ndricimit në rrugë.