Familjarët e të resë në Korçë, e cila pretendon se është abuzuar seksualisht nga kirurgu Nikolla Nunka, kanë dhënë detaje lidhur me ngjarjen e rëndë. Babai i saj, i ardhur nga jashtë vendit, tregon se e bija fillimisht kishte shfaqur shqetësime të forta psikologjike, teksa më pas ka rrëfyer se mjeku kishte kryer veprime të papërshtatshme ndaj saj. “I bënë operacionin, doli mirë dhe më pas e lanë në dhomë. Thanë se ka edhe infeksion dhe do të duhet ta mjekojmë nga infeksioni, por tha që do ta bëjnë në prezencë të mamasë tënde. Në prezencë të mamasë sime ai kishte bërë edhe veprimet e tjera që i nxori çupa tani.” Ai pretendon se kirurgu i afrohej vajzës në mënyrë të përsëritur, duke e prekur në pjesë intime nën justifikimin e kontrollit mjekësor, ndërsa sipas dëshmisë së vajzës, në një rast ai është përpjekur edhe ta puthë.