Shqipëria renditet në listën e vendeve më numrin më të lartë të të burgosurve në Europë. Të dhënat e Eurostat tregojnë se në Shqipëri janë 181 të burgosur për çdo 100 mijë banorë. Shifra e rendit vendin tonë të pestin në Europë, pas Turqisë me 403 të burgosur për 100 mijë banorë, Qipros me 226, Hungarisë me 199 dhe Polonisë me 191 të burgosur për 100 mijë banorë. Në rajon, treguesin më të ulët e ka Kosova, që i ka të dhënat të disponueshme deri në vitin 2020, me 78 të burgosur për 100 mijë banorë. Për Maqedoninë e Veriut e dhëna e fundit është e vitit 2017 me 146 të burgosur për 100 mijë banorë. Në Serbi në 2022 treguesi ishte 158 dhe për Malin e Zi 166. Të dhënat për Bosnjë Hercegovinën mungojnë.