Nvidia është në rrugën e duhur për t'u bërë kompania e parë me vlerë prej 5 trilion dollarësh, vetëm tre muaj pasi prodhuesi i çipave të Silicon Valley ishte i pari që theu barrierën prej 4 trilion dollarësh. Arritja e pikës së re të referencës i jep më shumë rëndësi trazirave që po shkaktohen nga një mani e inteligjencës artificiale që shihet gjerësisht si ndryshimi më i madh tektonik në teknologji që kur bashkëthemeluesi i Apple, Steve Jobs, zbuloi iPhone-in e parë, 18 vjet më parë. Apple e shfrytëzoi suksesin e iPhone për t'u bërë kompania e parë që në debutimin publik u vlerësua me 1 trilion dollarë, 2 trilion dollarë dhe përfundimisht, 3 trilion dollarë. Por tani ka shqetësime për një flluskë të mundshme të inteligjencës artificiale, me zyrtarët në Bankën e Anglisë në fillim të këtij muaji që sinjalizuan rrezikun në rritje që çmimet e aksioneve të kompanive teknologjisë të ngritura nga bumi i inteligjencës artificiale mund të shpërthejnë. Kreu i Fondit Monetar Ndërkombëtar ka lëshuar po ashtu një alarm të ngjashëm.