Hungaria është bërë vendi i parë në bashkimin evropian që jep miratimin paraprak për vaksinën ruse anti covid, Sputnik V. Të enjten, shefi i stafit i kryeministrit Viktor Orban, konfirmoi se si vaksina ruse ashtu edhe ajo e oxfordit dhe astra zenekës, kanë marrë dritën jeshile nga autoritetet e shëndetësisë. Ministri i jashtëm hungarez ka udhëtuar drejt moskës për bisedime të mëtejshme në lidhje me furnizimin dhe shpërndarjen e vaksinës. Rezultatet paraprake nga testimet e vaksinës Sputnik, kanë treguar rezultate premtuese. Zyrtarë hungarezë po ashtu kanë vizituar edhe Pekinin për bisedime me autoritetet kineze në lidhje me miratimin dhe shpërndarjen e menjëhershme të një milionë dozave të vaksinës Sinopharm, që përdoret aktualisht në serbinë fqinje. Kjo e fundit, kishte thënë muajin e kaluar se testimet e fazës së tretë të saj kishin treguar se vaksina ishte 79 për qind efikase, përqindje kjo më e ulët se ajo e Pfizer dhe Modernës. Por, kryeministri hungarez ka thënë se e vetmja mënyrë që vendi të plotësojë kërkesat për vaksinim, duke patur parasysh furnizimin e ngadaltë me vaksinat e pfizer dhe biontech, është duke blerë nga Rusia dhe Kina. Pamjet: AFP