Nje 40-vjeçar që posedonte dhe shpërndante lëndë narkotike në doza, në Laprakë dhe në disa zona të tjera të Tiranës, u arrestua nga policia pas disa javesh hetimesh. Gjatë operacionit policor të koduar “Lapraka”, behet e ditur nga policia, specialistët për Hetimin e Narkotikëve në rrugën “Allman Dervishi“ kane arrestuar ne flagrancë shtetasin R. S., banues në Tiranë. Ne momentin e ndalimit, gjatë kontrollit të ushtruar nga efektivet e policise, në automjetin me të cilin ky shtetas qarkullonte u gjetën 63 doza lëndë narkotike kokainë, një shumë lekësh që dyshohen se janë të përfituara nga aktiviteti kriminal i shpërndarjes së lëndës narkotike dhe katër aparate celular, të cilët janë sekuestruan në cilësinë e provave materiale bashkë me automjetin. Po ashtu behet e ditur ne njoftimin materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprën penale “Prodhimi dhe shitja e narkotikëve”.