Ambasadorja e Shteteve të Bashkuara të Amerikës ka reaguar pas deklaratave të kryeministrit Rama, në lidhje me pastërtinë e figurës së kandidatëve për deputetë. Në një postim në “Twitter”, ambasadorja shkruan se drejtuesit e partive nuk duhet të pastrojnë listat sepse thanë disa ambasadorë, por se kërkohet nga ligji shqiptar. “Drejtuesit e partive nuk duhet të pastrojnë listat e tyre thjesht sepse disa ambasadorë thanë kështu ose sepse SHBA e ka bërë të qartë se korrupsioni është një përparësi. Ata duhet ta bëjnë atë sepse kërkohet nga ligji i Shqipërisë, pritet nga një aleat i NATO-s dhe aspirant i BE-së dhe është një shenjë themelore e respektit për votuesit”, deklaron ambasadorja e SHBA-ve. Një ditë më parë, gjatë një konferencë me gazetarë, kryeministri i Edi Rama u shpreh se kandidatët për deputetë që gënjejnë për të kaluarën e tyre mbajnë përgjegjësi individuale, duke shtuar se megjithatë, detyren ndaj ligjit kreu i qeverise e di vet, pa qene nevoja t’ia tregojnë ambasadoret.