Kryetari i partisë demokratike Sali Berisha do të paraqitet të hënën në Prokurorinë e Posaccme Antikorrupsion në zbatim të masës së sigurisë detyrim paraqitje që është caktuar ndaj tij, si person i dyshuar për kryerjen e veprës penale të korrupsionit pasiv. Pavarësisht se institucionet shtetërore janë pushim për shkak të festës së pashkëve, Berisha është njoftuar për tu paraqitur në orën 09.00, duke qenë se ai nuk u shfaq përpara strukturës së posaccme as të hënë e parë të këtij muaji, për shkak të një angazhimi jashtë vendit. Ish kryeministri është i detyruar që dy herë në muaj të firmosë pranë oficerit të policisë gjyqsore në SPAK zbatimin e masës, që iu rikthey nga Apeli i Posacëm antikorrupsion në 3 janar të këtij viti. Ashtu si në cdo paraqitje të Berishës përpara SPAK, edhe mëngjesin e së hënës pritet që të ketë grumbullim të mbështetësve të kreut të PD përpara organit të akuzës. Këta të fundit janë njoftuar përmes një mesazhi që të jenë të pranishëm në SPAK në 08.30. Në 23 prill Gjykata e Posaccme pritet të japë një vendim mbi kërkesën e Spakut për të kaluar dosjen partizani në gjykim për pesë persona që janë marrë të pandehur për këtë ccështje. Vec Berishës është dhëndri i tij Jamarbër Malltezi, Xhimi Begeja, Fatmir Bektashi dhe Andia Pustina. Ndërkohë edhe në Gjykatën e Lartë pritet të shqyrtohet kërkesa e Berishën dhe Malltezit për rekovim të masës së sigurisë. Dhëndri i Berishën mbahet në masën arrest në shtëpi që prej muajit nëntor të vitit 2023 me vedim të gjyqtares Ilirjana Olldashi.