Në 35-vjetorin e lëvizjes studentore të Dhjetorit të vitit ‘90, Presidenti i Bajram Begaj, ka kujtuar momentin historik që shënoi rënien e regjimit komunist dhe kalimin e Shqipërisë në një periudhë të re, drejt demokracisë dhe integrimit europian. Në një postim në rrjetin social Facebook, ai shprehu mirënjohjen për sakrificat dhe guximin e studentëve. “Si sot, 35 vjet më parë, në rrugët e Tiranës ushtoi thirrja e studentëve idealistë: ‘E duam Shqipërinë si gjithë Evropa!’.Guximi dhe lëvizja rinore e Dhjetorit ’90 i hapën rrugën Shqipërisë europiane”, shkroi ndër të tjera presidenti Begaj. Në këtë ditë të shënuar një reagim ka ardhur dhe nga Ministrja për Europën dhe Punët e Jashtme, Elisa Spiropali. Përmes mesazhit të saj, Spiropali shprehet se 8 Dhjetori simbolizon pasionin e vajzave e djemve shqiptarë, si faktor thelbësor ndryshimi, për ta kthyer Shqipërinë në familjen e saj natyrale.