Zvicra dhe Polonia kanë ndaluar koncertet e reperit amerikan Kanye Ëest duke iu bashkuar Francës dhe Mbretërisë së Bashkuar pas momenteve anti-Semite. Shtetet europiane që po I ndalojnë turneun reperit amerikan kanë ardhur duke u shtuar. Klubi zviceran i futbollit FC Basel , i cili është përgjegjës për koncertet dhe ngjarjet që zhvillohen në stadiumin e tij St Jakob-Park, i tha Reuters të shtunën se pasi shqyrtoi kërkesën që Ëest të performonte atje në qershor, vendosi kundër saj. “Në përputhje me vlerat tona, ne nuk mund t’i ofrojmë një platformë artistit në fjalë brenda këtij konteksti”, tha një zëdhënës i klubit për Reuters. Edhe Stadiumi Silesian në Chorzóë të Polonisë tha se do të anulonte gjithashtu koncertin e ardhshëm të Ëest më 19 qershor, pasi ministria polake e kulturës njoftoi se po kërkonte ta ndalonte Ëest të performonte në vend. Ministrja e kulturës e Polonisë, Marta Cienkoëska, tha më parë se “promovimi i nazizmit” nga Ëest ishte në “kundërshtim të qartë me vlerat e Polonisë” dhe e dënoi Ëest si një artist që “deklaron hapur se e do Hitlerin, që promovon ideologjinë naziste dhe fiton para duke shitur bluza me svastikën”. “Në një vend të shënuar nga historia e Holokaustit, nuk mund të pretendojmë se kjo është thjesht argëtim”, shkroi Cienkoëska në rrjetet sociale . Ndalesa e vetme të mbetura në turneun e paralajmëruar evropian të Ëest tani janë Turqia, Holanda, Italia, Madridi dhe Portugalia dhe Shqipëria.