Makinat, minibusët dhe mjetet e blinduara që CIA përdorte për të zhvilluar luftën e saj në hije në afganistan, janë renditur njëra pas tjetrës, të djegura pa mundësi identifikimi, dhe kjo ndodhi para se amerikanët të largoheshin. Nën to, shihet hi, copa metali e mbetje të tjera. Fshati afgan ku ata trajnonin forcat paramilitare të lidhura me me disa nga abuzimet më të rënda të të drejtave të njeriut në luftë, është rrënuar tani i tëri. Vetëm një mur i lartë betoni ngrihet ende mbi masën e baltës dhe prozhektorëve, që dikur përdoreshin për praktikë në mes të natës. Depoja e madhe e municioneve është hedhur në erë. Thuhet se ajo mbante atje armë, granata, mortaja dhe artileri të rëndë. Gjithcka u hodh në erë, me një shpërthim të madh, pak pas sulmit me bombë në aeroportin e kabulit. E ai shpërthim u dëgjua edhe në kryeqytetin Kabul. Për 20 vite, ky ka qenë territor i CIA-s, zemra sekrete e luftës së amerikës kundër terrorit.